Инзаги и Лаутаро: Мора да бидеме перфектни

Тренерот на Интер, Симоне Инзаги заедно со напаѓачот Лаутаро Мартинез зборуваа пред утрешното финале во Лигата на шампиони.

Инзаги призна дека Сити е најдобриот тим во светот и истакна дека неговиот тим мора да биде перфектен ако сака да стигне до пехарот.

„Знаеме каков натпревар нѐ очекува, знаеме дека Манчестер Сити е врвен тим. Тие се најдобриот тим во светот во моментов. Тоа го докажуваат дури и кога не победуваат. Горди сме што сме на оваа сцена и ќе дадеме сѐ од себе. Ќе играме со максимална концентрација и ќе мора да ги сведеме грешките на минимум. Мора да бидеме перфектни“, изјави Инзаги.

„Да се биде во финале на Мундијал и во Лигата на шампиони е неверојатно достигнување. Сезоната беше дефинитивно позитивна за мене и задоволен сум од мојата игра, но сега е важно да завршиме на најдобар можен начин. Кога ќе стигнеш до финалето, треба да си подготвен да го направиш и последниот чекор. За сите во клубот ова е важен меч“, изјави Лаутаро.