Изненадување: Челзи ја сака ѕвездата на Наполи

Челзи е во потрага по напаѓач во зимскиот преоден рок, со оглед на фактот дека Оливие Жиру е на излезна врата од „Стенфорд Бриџ“.

Првата мета на Лампард беше напаѓачот на Лион, Муса Дембеле, но францускиот клуб ги одби сите понуди и не сака да ја продаде својата ѕвезда во јануари.

Како алтернатива медиумите го споменуваа Криштоф Пјонтек, но тука проблем е што Милан бара 35 милиони евра за својот напаѓач и не сака да го пушти на позајмица со право на откуп.

Последната вест од Островот е дека „сините“ се насочиле кон напаѓачот на Наполи, Дрис Мертенс.

32-годишниот Белгиец ја игра последната сезона во Наполи и на крајот на сезоната најверојатно ќе го напушти клубот како слободен агент, па ова е шанса за италијанскиот клуб да заработи на него.

„Скај Италија“ тврди дека Челзи веќе го контактирал Наполи и агентот на играчот, па започнати се преговорите за негов трансфер во Лондон.

Chelsea are in talks with Napoli over the possible transfer of Dries Mertens.

Discussions will continue over the next few hours to decide if the deal can happen this month.

(Source: Di Marzio) pic.twitter.com/YDYXXpdKBL

— Transfer News Live (@DeadlineDayLive) January 29, 2020