Изминатата ноќ се одигра третиот најефикасен натпревар во историјата на НБА! (ВИДЕО)

Изминатата вечер во НБА лигата беа одиграни седум натпревар, а историски беше оној кој го одиграа Аталанта и Чикаго.

Атланта и Чикаго го одиграа најинтересниот натпревар оваа сезона кој после четири продолженија го добија „биковите“.

Чикаго ја победи Атланта со неверојатни 168:161 и постарите љубители на кошарката овој натпревар сигурно ги потсети од времето на легендарните Доминик Вилкинс и Мајкл Џордан.

Колку беше спектакуларно тоа што се случуваше на оваа средба зборува и тоа што ова беше третиот најефикасен натпревар во НБА историјата! Пред оваа средба се само два натпревари: Денвер – Детроит (186:184) во 1983 година и Сан Антонио Милвоки (171:166) во 1982 година.

Најефикасни во овој чудесен натпревар беа Зек Левин кој натпреварот го заврши со 47 поени, девет скока и исто толку асистенции, Трае Јанг на другата страна имаше учинок од 49 поени, осум скока и 16 асистенции.

Тимот на ЛА Лејкерси е се подалеку од местото кое води во плејофот. Вчера тимот на Леброн изгуби во натпреварот против Милвоки со резултат 120:131). Најефикасен кај Милвоки беше Ерик Бледсо со 31 поен, на другата страна исто толку постигнаа Брендон Инграм и Леброн Џејмс.

https://youtu.be/cgJlvNR7RE4

НБА РЕЗУЛТАТИ

Атланта – Чикаго 161-168 (после продолженија)

Бруклин – Шарлот 112-123

Бостон – Вашингтон 107-96

Торонто – Портланд 119-117

Феникс – Њу Орлеанс 116-130

Сакраменто – ЛА Клиперс 109-116

ЛА Лејкерс – Милвоки 120-131