„Играњето на Македонија на ЕП е како да пуштите Волксфаген Буба во Формула 1“

Овие денови многу се пишува за нашиот историски успех и пласманот на Македонија на Европското првенсто следната година.

Во главно за нас сите пишуваат со пофални зборови, меѓутоа сега пристигнува и еден негативен коментар. Познатиот белгиски новинар Питер Вандебемпт е разочаран што УЕФА дозволила репрезентации како Македонија да играат на Европското првенство. За него Македонија нема квалитет да игра заедно со европскиот крем.

„Истражив што требаше да направат Македонците за да играат на ЕП. Тие во Д лигата беа во група со Ерменија, Гибралтар и Лихтенштајн, а потоа откако беа први славеа против Косово и сега со Грузија со голот на Горан Пандев. Пандев зад себе има фантастична кариера, но овој човек има 37 години. И сега видете кој се пласира на ЕП, Северна Ирска и Македонија се примери. Можеби од една страна е симпатично, но од друга страна е деградичарки затоа што е големо прашање колку се спремни за едно вакво натпреварување. Ова ќе биде како „Волксфаген Буба“ да пуштите на трка во Формула 1…Зошто? Бубата сигурно ќе биде симпатична и ќе има навивачи, но е деградирачки. Ова со Лигата на нации е смешно“, зборуваше белгисиот новинар.