Играше со Пандев, а сега со Барди – легендата на Словачка заминува во пензија!

Легендарниот словачки фудбалер Марек Хамшик соопшти дека на крајот на сезоната ја завршува професионалната кариера.

„Ова не беше лесна одлука…беше прекрасна авантура“, изјави поранешниот член на Наполи, а сега дел од Трабзонспор.

Хамшик во Наполи во еден период од кариерата беше соиграч со Горан Пандев, а сега во Трабзон игра заедно со Енис Барди. За репрезентацијата на Словачка одигра 136 натпревари и постигна 26 голови, најголемиот успех го оствари кога на СП во Јужна Африка во 2010 година стигна до осминафиналето.

Покрај Наполи и сега Трабзон, настапуваше уште за Слован Братислава и Бреша. Во Наполи остави најголема трага одигрувајќи 520 натпревари во кои освои две титули во Копа Италија.

За Трабзонспор потпиша во јуни 2021 година и ја освои шампионската титула. До крајот на турското првенство остануваат уште две кола, последното се игра на 6. и 7. јуни.