Ибрахимовиќ не треба да го провоцирате, тоа го покажа и вчерашниот натпревар

Златан Ибрахимовиќ повторно е јунак на Милан. Овој пат во градското дерби против Интер (1:2).

Ибра постигна два гола, а после вториот со раката гестикулираше како да сака да испрати порака на некој да продолжи да зборува.

После натпреварот новинарите го запрашаа зошто тоа го направил, а Швеѓанецот изјави дека сакал да испрати порака до некој на трибината.

„Некој од публиката нешто ми пееше и му порачав ‘ова е за тебе’.“ – изјави Ибра.

Ibrahimovic goal vs Inter. Rafael Leao is a serious talent. pic.twitter.com/6kGkLZ8ag6

— CFC Central (@CFCCentral1) October 17, 2020

„Не се чувствувам како лав, туку веќе сум лав.“ – рече Ибра на прашањето дали се чувствува како лав.

„Ние сме на самиот почеток, одиме од натпревар во натпревар. Постои можност да го освоиме Скудето, ако веруваш во нешто, можеш да го постигнеш.“ – додаде Ибра.