Ибрахимовиќ и Галакси се пласираа во четвртфиналето од плејофот во МЛС (ВИДЕО)

Фудбалерите на ЛА Галакси вчера на гости ја победија Минесота со 2:1 во натпревар од осминафиналето во плејофот од МЛС лигата.

Галакси со причина беше еден од фаворитите за освојување на титулата во САД, а главен ривал изгледа ќе им биде градскиот ривал Лос Анџелес ФК.

Вчера Галакси на гости со 2:1 се пласираше во следната фаза иако Златан Ибрахимовиќ не се запиша во листата на стрелците. Гостите поведоа во 71-та минута преку Летгет.

Само четири минути подоцна беше 0:2, стрелец беше Дос Сантос. Минесота во финишот успеа да го ублажи поразот со голот на Грегус.