Ибрахимовиќ испрати порака до клубовите од Премиер лигата

Фудбалерот на Милан, Златан Ибрахимовиќ зборуваше за влијанието на парите во модерниот фудбал, поточно споредувајќи ги Премиер лигата и Серија А.

„Парите носат големи можности. Парите носат алтернативи кои можеби други работи не можат да ги донесат, а интересот за Премиер лигата е многу поголем отколку за Серија А, затоа и економијата е многу поголема“.

„Но, тоа ја прави ситуацијата многу повозбудлива бидејќи тогаш италијанските клубови се соочени со предизвикот да ги совладаат побогатите клубови. Сепак, сите ние сме професионалци и топката е тркалезна, па сигурно дека не се плашиме“, изјави Ибрахимовиќ.

Шведскиот напаѓач е надвор од терените поради повреда на коленото, моментално е во процес на рехабилитација и неговото враќање се очекува следната година.