Знаете ли од која позиција на АТП листата Надал ќе се врати на терените?

Рафаел Надал по една година пауза се враќа на терените и тоа на турнирот во Бризбејн кој ќе биде еден вид подготовка за Австралија Опен.

Освојувачот на 22 грен-слем титули поради повреда не е на терените од јануари, а тоа придонесе да се најде на дури 664. место на АТП листата.

Сепак и покрај тој пласман Надал нема да игра квалификации затоа што има заштитен пласман. Имено, тоа значи дека на првите девет турнири по враќањето ќе може да го искористи тој факт и да биде на главниот ждреб.

Поточно се гледа неговиот пласман во текот на трите месеци пред повредата, освен тоа тука се и специјалните покани од организаторите.