Златна топка нема, но затоа ФИФА не се откажува

Пред неколку дена Франс Фудбал донесе одлука која може да се смета за преседан. Престижната Златна топка во 2020. година нема да се додели.

Од таму истакнаа дека годината која ја одбележи пандемијата со коронавирусот не може да се третира како регуларна.

Како друга причина е наведено дека има нерамноправност кај сите кандидати во борбата за оваа награда. Некои ја одиграа сезоната до крај, додека некои лиги беа прекинати.

Па така, за прв пат после 1956. година Златната топка нема да биде доделена, но ќе има друго признание.

Имено, ФИФА и покрај тоа што се случуваше и случува одлучи наградата „The Best“ да ја додели на најдобриот светски фудбалер.

Датумот на доделување се уште не е одреден.