Зидан: Фудбалерите не се роботи, треба да им се даде повеќе одмор

Тренерот на Реал Мадрид, Зинедин Зидан има кадровски проблеми пред утрешниот меч со Виљареал.

Зидан се пожали на натрупаната програма и тоа што фудбалерите не добиваат одмор оваа сезона.

„Имаме повредени и играчи кои не се на располагање. Варан не е 100% спремен, но сака да игра и тоа е убаво. Рамос многу ќе ни недостасува, тој е капитен и лидер на тимот“, изјави Зидан.

„Фудбалерите воопшто не одмараат, календарот е многу тежок. Не зборувам само за моите, туку за сите играчи. Потребно е да им се даде повеќе одмор, не се роботи“, заклучи Французинот.