Зидан: Сега мора да одиме на Етихад да победиме

Тренерот на Реал Мадрид, Зинедин Зидан е разочаран од резултат од првиот натпревар во осминафиналето против Манчестер Сити, но порача дека тој и екипата мора да останат позитивни.

Реал беше поразен од Сити со 1:2 и ако сака да остане во ова натпреварување на Етихад ќе мора да оствари победа со најмалку два постигнати погодоци.

Зидан вели дека неговиот тим скапо ги платил грешките, но дека ќе се играат уште 90 минути и се е можно.

„Разочарани сме, но знаат сите дека се играат 180 минути и дека се е можно. Направивме неколку грешки кои скапо ги плативме. Но, и грешките се дел од фудбалот, нормално е да се случуваат.“

Недостатокот на концентрација, со повеќе грешки, беше пресудно.

„Не беше можно така да победиме. Дадовме се на теренот, но ни недостасуваа тие десет минути концентрација. Натпреварот беше физички исцрпувачки, а на крајот од натпреварот плативме скапо.“ – изјави Зидан по натпреварот.

Реванш натпреварот е на распоредот на 17 март. на стадионот Етихад.