Зидан: Реал Мадрид може да е подобар без мене

Тренерот на Реал Мадрид, Зинедин Зидан одби да одговори на многуте прашање од новинарите повразани за неговата иднина.

Тој е категоричен дека во моментов е фокусиран само на последниот меч од сезоната против Виљареал, но истакна дека Реал можеби ќе биде подобар без него како тренер.

„Реал Мадрид може да биде подобар и без мене како тренер. Сега е најважно да се фокусираме на последниот меч од сезоната. Со се што ни се случи оваа година, ние ќе ги одиграме последните 90 минути на највисоко ниво“.

„Дали веќе сум донел одлука за иднината? Има време да зборуваме на оваа тема, утре имаме натпревар. Сега не е вистинскиот момент, треба да ја насочиме целата енергија кон утрешниот меч. Можам да кажам само дека сум среќен што цели 20 години сум во овој клуб“, истакна Зидан.

🗣️ Zidane: "It's going to be a special day. It's the final day of a season with lots of challenges, but we are going to give everything."#RealMadridVillarreal pic.twitter.com/6UMe4o1MlV

— Real Madrid C.F. 🇬🇧🇺🇸 (@realmadriden) May 21, 2021