Зидан пронајде идеална замена за Хамес Родригез

Ако и се верува на „Газета дело Спорт“ Реал Мадрид и Наполи би можеле ова лето да договорат размена на фудбалери.

Имено, полскиот играч за врска Пјотр Зиелински од лето би можел да се пресели на „Сантиаго Бернабеу“ бидејќи е една од желбите на тренерот Зинедин Зидан.

Францускиот стратег е голем симпатизер на играта на 23-годишниот играч за врска, кој важи за еден од најталентираните на својата позиција во Европа.

Сепак, Наполи има големи планови за следната сезона и сака да го симне Јувентус од тронот на италијанскиот фудбал, па затоа Реал ќе мора да испрати убедлива понуда за да го добие потписот на Зиелински.

Зиелински минатото лето пристигна во Наполи за 14 милиони евра од Удинезе, но „кралевите“ сега ќе мораат за него да платат најмалку 25 милиони евра, а отворена е опцијата во трансферот да биде вклучен некој играч на Реал како Ковачиќ или Данило.