Зидан нуди две ѕвезди за потписот на Дибала

Напаѓачот на Јувентус, Пауло Дибала е во трансфер списокот на Реал Мадрид, пренесуваат италијанските медиуми.

Аргентинецот преговара со раководството на „бјанконерите“ за продолжување на соработката до 2025 година, а „кралевите“ внимателно ја следат ситуацијата.

Дибала во последните неколку години покажа дека е еден од најдобрите напаѓачи во Европа, па Реал сака да го донесе на „Сантиаго Бернабеу“.

Јувентус е спремен да го продаде Дибала ако пристигне добра понуда, а Реал е спремен да понуди двајца фудбалери за неговиот потпис.

Имено, весникот „АС“ тврди дека Зидан е спремен во Торино да ги испрати Иско и Винисиус за да го добие потписот на Аргентинецот.