Зидан НЕ преговара за нов договор

Тренерот на Реал Мадрид, Зинедин Зидан изјави дека не преговара со раководството за продолжување на соработката.

Зидан се врати во „кралскиот“ клуб во 2019 година и потпиша договор до јуни 2022 година.

„Не преговараме, имам договор до 2022 година и нема да барам ништо. Секој момент во овој клуб е прекрасен и среќен сум што сум дека од најдобриот клуб на светот“, изјави Зидан.

Шпанските медиуми шпекулираат дека Зидан може да го напушти Реал Мадрид и пред истекот на договорот.

После лошиот старт на сезоната, Реал во последно време игра се подобро и се наоѓа во серија на добри резултати.