Зидан и Рамос едногласни: Мечот со ПСЖ како финале!

Вечерва на програмата е реванш дуелот од осминафиналето во Лигата на шампиони помеѓу ПСЖ и Реал Мадрид.

Капитенот на Реал Мадрид, Серхио Рамос овој натпревар го опиша како финале за „кралскиот“ клуб.

„Натпреварот ќе биде неизвесен. Нејмар е многу добар играч, но неговиот заменик Ди Марија е одличен играч. Овој натпревар ќе биде како финале. Немаме право на грешка“, изјави Рамос.

„Лигата на шампионите е наш омилен турнир. Го направивме првиот чекор, но во реваншот треба да бидеме внимателни. Јас лично никогаш не се уморувам од победи. Играме натпревар за натпревар и сите сакаме да победиме“, додаде капитенот.

„Мораме да бидеме подготвени за неочекуваното. Мораме да се фокусираме и да одиграме одличен натпревар во рок од 90 минути или повеќе. Недостатокот на Неј може да промени нешто во играта, но не и нашата подготовка за неа“, истакна тренерот Зинедин Зидан.

„Вторник вечер ќе биде тежок за еден од двата тима, но тоа е фудбалот. Ние сме свесни дека ќе имаме проблеми и дека ќе биде тешко. Затоа сакам да сме способни да се справиме со ова и да одиграме силно. Освен тоа ние сме во Париз, и јас сум од Марсеј. Секогаш е убаво да се вратам во Франција, а пригодата сега е специјална. Убеден сум дека ова ќе биде голема вечер“, заклчи Зизу.