Зверев закажа финале со Иснер во Мајами

Александар Зверев ќе му се спротивстави на Џон Иснер во финалето на Мајми Опен откако со 2-0 во сетови го совлада Пабло Карењо Буста.

Во полуфиналето Зверев триумфираше со 7:6 и 6:2 над Шпанецот Пабло Карењо Буста и утре ќе има можност да ја освои третата титула од сериите Мастерс 1000 и вкупно седма во турнирите на АТП.

20 годишниот Александар Зверев не беше на потребното ниво во првиот сет, правеше грешки, па противникот успеа да се избореи за тајбрејк, каде дури и поведе со 3-0. Но четвртиот носител во Мајами одговори кога беше најпотребно и со серија од 7-1 го реши првиот сет во своја корист.

Тој продолжи во ист стил и во вториот сет, направи два брејка и стигна до 6-2 и победа за финале.