Звезда пред големо засилување: Лука Јовиќ се враќа на „Маракана“?

Репрезентативецот на Србија, Лука Јовиќ до крајот на преодниот рок би можел да ја засили Црвена Звезда.

Оваа информација ја објави италијанскиот новинар Николо Шира. Звезда е заинтересирана да го врати својот поранешен играч кој не се снаоѓа баш најдобро во Фиорентина. Во својата прва сезона во Фиорентина, Јовиќ на 50 натпревари постигна 13 голови и подели пет асистенции.

Во Фиренца Лука пристигна од Реал Мадрид за кој потпиша во јуни 2019 година. Тогаш „кралевите“ за него платија 63 милиони евра на Ајнтрахт Франкфурт.

Според „Трансфермаркт“, Јовиќ во овој момент вреди осум милиони евра. Звезда 25-годишниот напаѓач ја напушти во 2016-та година откако за првиот тим собра 42 натпревари и постигна 12 голови. Пред Ајнтрахт го носеше дресот и на Бенфика.

Luka #Jovic could leave #Fiorentina: #CrvenaZvezda have asked info for him. #transfers @violanews

— Nicolò Schira (@NicoSchira) August 6, 2023