Започна судењето на Алвес: Може да добие и затворска казна од 12 години!

Денеска во 10 часот во судот во Барселона започна судењето на поранешниот бразилски репрезентативец Дани Алвес.

Алвес кој е еден од најтрофејните фудбалери во историјата подолг период се наоѓа во притвор, а е обвинет за дело кое наводно го сторил ноќта помеѓу 30-ти и 31-ви декември 2022 година.

Девојка го обвини Бразилецот дека во тоаелтот од ноќен клуб во Барселона сексуално ја нападнал. Во притвор Алвес е од јануари 2023 година, одбраната на Бразилецот бараше да се брани од слобода, меѓутоа таа опција беше одбиена поради можноста за бегство.

Медиумите во Шпанија со голем интерес го следат судењето и за истото биле акредитирани дури 270 новинари и најавено е дека во случајот ќе сведочат најмалку 28 лица. Обвинителството за Алвес бара казна затвор од девет години, меѓутоа со приватните тужби Бразилецот би можел да добие и 12 години затворска казна.