Закажана средба Раиола – Јунајтед: Се одлучува судбината на Погба

Агентот на Пол Погба, Мино Раиола, ќе се сретне со раководството на Манчестер Јунајтед во ноември, а на средбата ќе се одлучува за иднината на Пол Погба.

Не е тајна дека Французинот е во затегнати односи со менаџерот на „црвените ѓаволи“, Жозе Мурињо и не е исклучено во јануари да направи голем трансфер.

Сепак зависи од иднината на Мурињо, кој не е сигурен за функцијата поради незадоволителните резултати на тимот.

Токму тоа е причината поради која Раиола ја одложил средбата за еден месец, бидејќи смета дека до ноември Мурињо ќе добие отказ од „Олд Трафорд“.

Токму поради неговата желба да се премине во Барселона, Мурињо му ја одзеде привилегијата да биде втор капитен на Јунајтед.

Според новите правила на УЕФА, Погба ќе може да игра за друг тим во Лигата на шампионите доколку дојде до трансфер во јануари.