Жорге Мендеш го носи Де Геа во Јувентус

Агентот Жорже Мендеш му го понудил на раководството на Јувентус голманот на Манчестер Јунајтед, Дави де Геа, пренесуваат англиските медиуми.

Ова се случило за време на состанок во саботата. Де Геа е стара мета за водечките европски клубови, вклучувајќи го и Јувентус, а сегашната позиција на Манчестер Јунајтед во англиското првенство може да го убеди Шпанецот да си замине.

Иднината на шпанскиот голман се уште е под знак прашалник, бидејќи нема потпишано нов договор со Јунајтед, иако клубот од „Олд Трафорд“ му испрати богата понуда.

Де Геа се уште не донел конечна одлука, но турбуленциите на „Олд Трафорд“ и фактот дека сака да се бори за трофеи можат да го натераат да ја промени средината.

Де Геа прими 10 гола на 12 натпревари за Јунајтед оваа сезона и веќе стана мета на критики, иако во изминатите години беше најдобриот играч на „црвените ѓаволи“.