Жорге Жесус за промашувањето на Сеферовиќ: Такво нешто не сум видел 30 години

Бенфика вчера во последните минути имаше голема прилика да ја „нокаутира“ Барселона со што ќе си ја олеснеше задачата во последното коло за пласман во нокаут фазата.

Харис Сеферовиќ во самиот финиш од натпреварот имаше супер прилика во која и го помина Тер Штеген, па од десетина метри место да ја смести топката во мрежата шутираше покрај голот.

И на тренерот на Бенфика, Жорге Жесус не му се веруваше што промаши Сеферовиќ.

„Создаде Барселона неколку прилики, но и ние игравме добро во одбраната. Во самиот финиш имавме прилика во која на голот на Барселона немаше голман. Тренер сум и 30 години не сум видел нешто слично, за жал ми се случи мене и на Бенфика“, изјави Хорхе Жесус.

Пред последното коло во групата Барселона е втора зад Баерн со седум бода, Бенфика има пет. Во последното коло Бенфика ќе се сретне со Динамо Киев, а Барселона со Баерн Минхен.

Seferovic est un assassin du football
pic.twitter.com/0uQc9qAjzw

— Issam🦅 (@Issam830) November 23, 2021