Жоао Феликс во Атлетико го доби бројот на Гризман (ФОТО)

Aтлетико Мадрид вчера вечер ги воодушеви своите навивачи со потврдата за Жоао Феликс која се чекаше подолго време.

Жоао Феликс ова лето беше мета на многу европски гиганти, но на крајот можеби на изненадување на многумина го избра Атлетико Мадрид кој за него плати 126 милони евра и го направи петти најскап играч во историјата на фудбалот.

Младиот португалски ас со Атлетико потпиша договор на седум години, а за овој тим ќе дебитира на 18-ти август во пријателскиот натпревар против Боависта.

Феликс веднаш го избра и бројот во Атлетико. Неговиот избор е уште еден доказ дека Гризман си заминува од Атлетико бидејќи бројот седум беше број на Французинот со во претходните години.