Жиру става потпис на нов договор со Милан

Оливие Жиру е блиску до потпишување на нов договор со италијанскиот шампион Милан, пренесува „Газета дело Спорт“.

Жиру неодамна наполни 36 години, но се уште игра на врвно ниво.Французинот е еден од најважните фудбалери на Милан и еден од најзаслужните за освоената титула минатата сезона.

Жиру игра одлично и на Мундијалот, а преговорите со Милан за продолжување на соработката се во завршна фаза.

Неговиот договор со „росонерите“ истекува на крајот на сезоната, но двете страни наскоро ќе стават потпис на нов договор.

Французинот ќе потпише договор до 2024 година со опција за уште една сезона.