Жиру: Бог сакаше да дојдам во Милан

Oливие Жиру имаше одличен старт на подготвителните натпревари во Милан откако постигна гол после само неколку минути игра.

Французинот верува во проектот на „росонерите“ и цели кон освојување на трофеј.

„Во кариерата сум освојувал трофеи каде и да сум играл, така сакам да биде и во Милан. Во мојата глава си имам зацртано цели, но не ги откривам за да не си правам притисок. Да кажеме дека крајната цел е освојување на трофеј со Милан“.

„Челзи го напуштив затоа што дојде време за нов предизвик во друга лига. Милан е еден од најголемите клубови во светот, верувам во проектот кој ми беше претставен, затоа и ја прифатив понудата. Бог сакаше да дојдам во Милан“, изјави Жиру.