Ериксен има понуди од три клуба

Кристијан Ериксен во зимскиот преоден рок пристигна во Брентфорд и потпиша договор до крајот на сезоната, а после добрите настапи сега има нови понуди.

Репрезентативецот на Данска минатото лето на Европското првенство доживеа срцев удар после што мораше да му биде вграден дефибрилатор, а во таква ситуација Серија А не дозволува занимавање со професионален фудбал, па Данецот мораше да замине од Интер.

Откако половина година беше без клуб потпиша за Брентфорд. Англискиот клуб му даде договор на шест месеци со можност да го продолжи, а сега има интерес од повеќе клубови. Добро известениот новинар Фабрицио Романо пренесува дека во игра се три клуба.

Имињата на клубовите не се откриваат, меѓутоа се наведува дека Ериксен ќе разговара со раководството на Брентфорд и заеднички ќе биде донесена конечната одлука.

Brentford manager Thomas Frank on Christian Eriksen: “I’m convinced we have a chance to keep Eriksen. The fans will build a statue of him outside the stadium in two or three years”. 🇩🇰 #Eriksen

Eriksen has been approached by 3 clubs but he will meet with Brentford board before.

— Fabrizio Romano (@FabrizioRomano) May 19, 2022