Епската контра на Звезда против Баерн – македонската „кобра“ егзекутор!

Пред точно 32 години на денешен ден Црвена Звезда го победи Баерн во првиот натпревар од полуфиналето во Купот на шампионите, а стрелец во тој натпревар беше и Дарко Панчев.

Тој натпревар се памети како еден од најважните натпревари во историјата на црвено-белите. Баерн имаше предност од 1:0, а Звезда успеа да го сврти резултатот и да победи со 2:1.

Некаде пред крајот на првиот дел Звезда изведе брза контра во која Радиновиќ му додаде на Белодедиќ, па тој до Просинечки кој одлично го пронајде Биниќ за да му асистира на Панчев во петерецот.

#OnThisDay in 1991

Bayern Munich v Red Star Belgrade European Cup Semi Final

Darko Pancev scores one of the best counter attacking goals you'll ever see

The pass from Robert Prosinecki is outrageous👌 pic.twitter.com/W5k2fTdPJT

— 80s&90sFootball ⚽ (@80s90sfootball) April 10, 2024

Панчев така стрелаше за 1:1, додека пред крајот на натпреварот Савичевиќ погоди и донесе голема победа за српскиот тим. Во вториот натпревар резултатот беше 2:2 и Звезда продолжи во финалето каде што со победата против Олимпик Марсеј се израдува на пехарот.