Емери: Го сакам најсилниот Реал Мадрид во Париз!

Тренерот на ПСЖ, Унаи Емер откри дека Мбапе, Кавани и Верати ќе бидат спремни за реванш натпреварот против Реал Мадрид во Лигата на шампиони.

„Светците“ на првиот натпревар одигран во Мадрид загубија со 3:2. Тренерот Унаи Емери нема да може да смета на Нејмар, но сите останати ќе бидат спремни.

„Ди Марија е спремен и многу мотивиран. Станува збор за Лига на шампиони. Верати, Мбапе и Кавани се спремни и веќе тренираат со тимот“, изјави шпанскиот стратег.

Претходно и официјално беше потврдено дека Тони Крос, Модриќ и Марсело ќе допатуваат во Париз, иако сите тројца беа неизвесни.

„Го сакам најдобриот Реал во Париз. Сакам да играм против најдобриот Реал Мадрид“, самоуверено изјави Емери и додаде:

„Ова ни е најважниот натпревар сезонава. Ова е уникатен момент за сите фанови на ПСЖ и за цела Франција. Имаме голема шанса да направиме чекор напред“.