Елмас: Да го оствариме детскиот сон!

Репрезентацијата на Македонија го одработи последниот тренинги попладнево патува кон Португалија за плејоф мечот за пласман на Мундијалот.

Во составот се враќаат Елиф Елмас и Тихомир Костадинов кои беа суспендирани и не играа против Италија. 

Елмас посочи дека се свесни репрезентативците колку се близу до детскиот сон и шансата не смее да се испушти. 

„Искрено ова можеби ќе биде еден од најтешките натпревари, највозбудливите на сите играчи што сме тука. Имаме 90 минути да си го исполниме детскиот сон, не само наш, туку и на цела држава. Едноставно мора да знаеме дека шансата не смееме да ја пропуштиме и треба да изгинеме на терен за да успееме да стигнеме до Катар“. 

Фото: ФФМ