Екс-репрезентативка: Нека видат како ни беше и на нас жените со Англија

По дебаклот на македонската фудбалска репрезентација на социјалните мрежи се огласи и поранешната македонската репрезентативка Афродита Салихи.

Македонија за првпат загуби на Островот откако претходно двапати ремизираше во 2002 и 2006.

Досега низ годините фудбалерките беа тие за потсмев кои запишуваа срамни порази, но сега тоа им се случи и на фудбалерите, па Салихи ги дочека своите „пет минути“ да им одговори.

„Е, нека видат како ни беше нас жените во Англија. ‘Ни било местото во кујна’. Ајде и вие на скаричка назад и пивце – ДОМАЌИНИ“, објави Салихи.

Досега најголем пораз на Македонија беше против Чешка во 2005 година кога бевме поразени со 6:1.