Едно од најголемите промашувања на Фергусон се пресели во Рајо Ваљекано

Еден од најдобрите докази дека и легендарниот Фергусон знаеше да погреши е португалскиот фудбалер Бебе.

Шкотскиот стратег летото 2010. година одлучи за околу девет милиони евра да го доведе од Виторија де Гуимарес, а подоцна се испостави дека дури и легендарниот Фергусон може да се посрамоти. Иако Бебе беше најавен како голема надеж на европскиот фудбал, на крајот се покажа дека станува збор само за просечен фудбалер кој имаше луда среќа да заигра за големиот Манчестер Јунајтед.

Тој денеска со договор е врзан за шпанската екипа Еибар, а вториот дел од оваа сезона ќе ја помине во Сегунда, како член на Рајо Ваљекано, бидејќи споменатите две екипи постигнале договор за позајмица. Бебе во текот на првиот дел од оваа сезона во Ла Лига одигра девет натпревари и запиша една асистенција.