Лазаров направи една измена во составот за реваншот со Романија

Селекторот на македонската репрезентација Кирил Лазаров направи една измена од првиот натпревар против Романија за денешниот реванш.

Ново име во нашиот ростер е Ненад Костески кој во тимот ќе добие шанса на местото на Марко Митев.

Измена направија и Романија кои го пријавија десниот бек Хавиер Гаминде Хумет од Диннамо Букурешт. Поради приватни причини тој го пропушти натпреварот во Скопје. Судии на натпреварот кој започнува од 17:00 часот ќе бидат Германците Шулце и Тониес.

Ќе потсетиме Македонија во овој реванш влегува со одлична предност од првиот натпревар со осум гола разлика 30:22.