Еден од најголемите македонски пливачи во историјата доби големо признание на светско ниво

Легендата на македонското пливање, Евгениј Поп Ацев доби големо признание на светско ниво.

Имено, тој е избран за член на „Куќата на славните на маратонското пливање“. Убавата вест македонскиот пливач ја објави на социјалните мрежи.

„Најголема чест и привилегија е да се биде во ,,Куќата на славните за маратонското пливање”(IMSHOF) во друштво на најголемите имиња во историјата на светското пливање. Посебно сум среќен и горд што правејќи го тоа што најмногу го сакам и пливајќи за Македонија имам придонесено и оставено белег во светот на маратонско пливање.

Многу сум благодарен на IMSHOF за номинацијата , изборот и за ова големо признание од ваква голема светска организација. Исто така и на сите што беа дел од мојата пливачка кариера и подржуваа во изминативе 20 години“, напиша Поп Ацев.

Поп Ацев официјално член ќе стане на новиот собир на организацијата закажан на 24. мај.