Дома Македонски спорт Евгениј Поп Ацев спортист на годината на Град Скопје

Евгениј Поп Ацев спортист на годината на Град Скопје

Градоначалникот на Скопје, Петре Шилегов денеска му го додели признанието на најуспешниот спортист за 2018 година – пливачот Евгениј Поп Ацев.

На свеченоста што се одржа во салата на Советот на Град Скопје беа прогласени најуспешните, избрани во следниве категории: најуспешни 10 спортисти во сениорска категорија (мажи и жени), најуспешни пет спортисти во младинска категорија (мажи и жени), најуспешен тренер, најуспешна спортска екипа од Скопје, најуспешен спортист/ка – странец кој настапува во екипа од Скопје и најуспешен спортист/ка во категоријата на лица со посебни потреби.


Вака се слави гол во 120-та минута!!! ↓↓↓


„Градот Скопје традиционално се грижи за своите спортисти, Градот внесува новини особено кога е спортот и младите во прашање, а оваа година за првпат за 100 најуспешни спортисти, ученички и ученици, обезбедивме стипендии за осум месеци во текот на учебната година. Сакаме колку што можеме скромно да го помогнеме развојот на спортот и кај младите генерации да направиме едни навики на поздрав живот и спортска култура. Се надевам дека тие млади луѓе во кои вложуваме во следните години ќе постигнат значајни спортски успеси и на домашни и на странски натпревари, особено како што тоа знаат да го направат скопските екипи. Ви честитам на годинешниве успеси, особено на спортистите, а на сите тренери и спортски работници сакам да Ви се заблагодарам за ангажманот за тие да постигнат извонредни резултати на европски и на светски натпревари“, рече градоначалникот Шилегов.

Наградени по категории:

Десет најуспешни спортисти во сениорска категорија (мажи и жени):
1. Евгениј Поп Ацев – Академски Пливачки клуб Студент
2. Бобан Илиоски – Кикбокс клуб Шампион
3. Дејан Недев – Карате клуб Работнички
4. Стојанче Стоилов – АД Ракометен клуб Вардар
5. Дејан Георгиевски – Таеквондо клуб Бутел
6. Ненад Келебиќ – Карате клуб Цветан Димов
7. Дарио Ивановски – Здружение Атлетски клуб Работнички
8. Фати Вејсели – Здружение Боречки клуб Лирија 2010
9. Адријана Поп Арсова – Маратон клуб Делта
10. Дрита Ислами – Атлетски клуб Работнички.

Нјуспешни пет спортисти во младинска категорија (мажи и жени):
1. Фахик Весели – Шотокан Карате клуб Олимпик
2. Анамарија Георгиевска – Таеквондо клуб Бутел
3. Хамза Јашари – Здружение на граѓани Џудо клуб Миоки
4. Викторија Варадинова – Кикбокс клуб Шампион
5. Абдурахим Идризи – Карате клуб Макпетрол.

Категорија најталентиран млад спортист – кадет:
1. Бесир Алили – Здружение Боречки Клуб ЛИРИЈА 2010.

Најуспешен тренер:
1. Бошко Заборски – Карате клуб Макпетрол.

Најуспешна спортска екипа од Скопје:
1. АД Женски Ракометен клуб Вардар.

Најуспешен спортист – странец кој настапува во екипа од Скопје:
1. Иван Чупиќ – АД Ракометен клуб Вардар.

Најуспешен спортист во категоријата на лица со посебни потреби:
1. Стоилко Стоицев – Здружение Планинарски клуб Македон.

Коментари
Прочитајте поврзани статии
Load More In Македонски спорт

Проверете

Фудбалерите до 21 година ги стартуваа подготовките за Гибралтар и Шведска

Младата репрезентација на Македонија до 21 година официјално ги започна подготовките за пр…