Европското првенство 99.9% се одложува!?

Звучи логично, звучо очекувано и како единствено решение, иако изворот на информацијата не е од фудбалските кругови.

Од рускиот државен парламент пристигнува информација дека Европското првенство кое треба да започне на 12. јуни ќе биде одложено.

Информацијата ја откри рускиот телевизиски новинар, Мурард Латипов кој беше дел од стручниот штаб на репрезентацијата на таа земја на Мундијалот во 2018 година. Тој на Инстаграм ги објави информациите до кои дојде денес и за кој тврди дека се од доверливи извори.

„Бев денес во парламентот и ми потврдија дека поради коронавирусот 99.9% ќе биде одложено. Одлуката за Премиер лигата во Русија не е донесена, оставено е на фудбалскиот сојуз да одлучи“, напиша Латипов.

УЕФА во овој момент има актуелни проблеми и размислува за решавање на ситуациите во Лигата на шампионите и Лигата Европа, потоа следат баражите за ЕП во Лигата на нации. Сепак, европскиот собир се ближи и наскоро сигурно ќе дојде на дневен ред.