Европа ќе добие нов шампион, Сити го прегази Реал Мадрид🎥

Манчестер Сити покажа супериорно го победи Реал Мадрид со 4:0 и се пласираше во финалето на Лига на шампиони.

„Граѓаните“ се одмаздија за минатата сезона и му сервираа „покер“  на Реал Мадрид.

„Граѓаните“ почнаа со висок интензитет и направија неколку шанси од самиот старт, но Куртоа имаше две чудесни одбрани против Халанд.

Меѓутоа, во 22-та минута беше немоќен кога Бернардо Силва дојде во одлична ситуација и погоди за водство од 1:0, а само неколку минути подоцна истиот играч зголеми на 2:0.

Во вториот дел Реал се обидуваше да се врати во мечот, но не успеа да создаде посериозна шанса. Милитао си постигна автгол во 74-та минута, а Алварез стави точка на мечот за висока победа од 4:0.

Сити во финалето за најпрестижниот трофеј ќе се бори со Интер на 10-ти јуни во Истанбул.