Евра жали што настапувал за Франција

Поранешниот фудбалер на Манчестер јунајтед, Јувентус, Монако и Марсеј, Патрис Евра, откри дека жали што наместо за Франција не играл за фудбалската репрезентација на Сенегал.

Евра е роден во главниот град на Сенегал, Дакар и има 81 настап за „триколорите“ откако дебитираше во 2004 година. Тој беше дел од француската репрезентација на Светското првенство во 2010 и 2014 година, а дресот на „триколорите“ го носеше и на Европското првенство во 2008, 2012 и 2016 година.

„Кога би можел да се вратам во минатото, би ја избрал мојата родна земја, а тоа е Сенегал. Кога бев помал, моите родители ми дадоа можност сам да одлучам за која репрезентација ќе играм. Растејќи во Франција, ја избрав таа репрезентација. Но, тогаш видов дека мојот избор е целосно исполитизиран. Со оваа селекција научив една од најболните работи, дека кога играш и победуваш, тогаш си Французин, но кога репрезентацијата губи, мислат дека си Сенегалец“, изјави Евра