Еве што кажа англиската легенда за маестралниот Џеко! (Фото)

Фудбалерите на Рома вечерва ремизираа на гостувањето против Челзи во спектакуларниот меч од ЛШ кој беше завршен со резултат 3:3.

„Плавите“ по првото полувреме водеа со 2:1 и се чинеше дека ќе запишат нови три бода, но така не мислеше и Един Џеко. Босанскиот интернационалец во второто полувреме беше брилијантен и постигна два фантастични погодоци за пресврт во корист на Рома. Сепак, домашниот состав успеа преку Азар да издејствува бод од мечот.

По натпреварот, главна тема на социјалните мрежи беше Џеко кој го воодушеви фудбалскиот свет со своите погодоци. На твитер се огласи и легендарниот Гери Линкер кој го сподели фантастичниот погодок на Џеко за 2:2.

„Челзи водеше со 2:0, а сега губи со 2:3. Благодарение на Един Џеко во суштина. Не се шегувам“, вели Линкер на својот профил.