Дрогба ќе игра во Бразил – потпиша за Коринтианс!

Ветеранот Дидие Дрогба воопшто не размислува за пензионирање и кариерата ќе ја продолжи во Бразил, откако потпиша договор со Коринтианс.

Дрогба, кој изминатиот период настапуваше за Монтреал во МЛС лигата потпиша едногодишен договор со бразилски Коринтианс.

Дрогба ќе заработува 150.000 американски долари месечно и ќе биде официјално претставен следната недела. Тој е еден од ретките африканци кои ќе играат во Бразил, но се очекува да биде позитивно дочекан со оглед на неговата популарност на американскиот континент.

„Сакам да играм фудбал и понатаму. Се уште имам силни нозе и со топката се чувствувам како мало дете. Имам мали проблеми со колената, но ќе ги надминам брзо“, изјави Дидие Дрогба.