Драматичен момент во авионот на фудбалерите на Гамбија: „Сите може да бидеме мртви…“

Фудбалерите на Гамбија со авион заминаа за Брегот на Слоновата Коска каде ќе учествуваат на Африканскиот куп на нации, но нивниот лет брзо се претвори во драматична ситуација.

Девет минути по полетувањето од главниот град, неколку играчи и други патници одеднаш заспале, а некои изгубиле свест.

Меѓу патниците владеела паника, но пилотот брзо реагирал, го свртел авионот и се вратил на пистата.

Тој сфатил дека во авионот нема доволно снабдување со кислород и дека патниците губат свест поради недостаток на нормално дишење.

Се испостави дека системот за снабдување со кислород во кабината не функционира правилно, а во воздухот има опасна концентрација на јаглерод диоксид.

Селекторот Том Сентфит за холандската телевизија изјави: “Сите можеше да бидеме мртви. Многу брзо заспавме, а некои не се разбудија дури и по слетувањето. Да бевме во воздух уште половина час, сите ќе бевме мртви денес. Ова е целосно неприфатливо“.

За среќа никој од играчите не претрпе последици, на крајот сите се разбудија иако беа во шок. Овој инцидент ја истакнува сериозноста на проблемот со снабдувањето со кислород во авионите и важноста од навремена акција на пилотите во вакви ситуации.

🚨🇬🇲 𝗕𝗥𝗘𝗔𝗞𝗜𝗡𝗚! An incident occurred during Gambia’s flight to AFCON – several of them fainted due to a lack of oxygen on the plane. The reason: the size of the plane. ✈️

Two of the national team players are still in shock following this traumatic experience.

The plane… pic.twitter.com/IlYoLHov3o

— Football Tweet ⚽ (@Football__Tweet) January 11, 2024