Договорот е спремен: Салах наскоро најплатен фудбалер на Ливерпул?

Неверојатниот Мохамед Салах во дресот на Ливерпул ја игра најдобрата сезона во кариерата.

Египќанецот со настапите за клубот од „Енфилд“ го освои срцето на сите навивачи на Луверпул, но и управата на клубот кој веќе му спремила нов петгодишен договор.

Мохамед Салах во овој момент има договор со Ливерпул до летото 2022 година и неделно заработува 120.000 фунти, но постои голема веројатност наскоро да потпише нов договор.

Англиските медиуми пишуваат дека Ливпул му понудил 200.000 фунти неделно, со што би го направил најплатен во клубот. Во овој момент најголема плата има Виргил Ван Дијк (180.000 евра).

Салах е една од првите летни желби на Флорентино Перез која би сакал да го види во Реал, но во Ливерпул очигледно се свесни каков бисер имаат во своите раце и веќе размислуваат за наредните чекори.