Добри вести за Николов: Лече го отпушти Корини

Македонскиот репрезентативец Бобан Николов ќе има нов тренер во Лече.

Италијанскиот тим го отпушти тренерот Еугенио Корини откако овој стратег не успеа да се пласира со тимот Серија А преку плеј-офот.

Во актуелната сезона од Серија Б Лече заврши на четвртата позиција, а до пред неколку недели беше фаворит за второто место во првенството. На крајот останаа без Серија А затоа што во плеј-офот беа лиминирани од првата пречка Венеција.

Смената на Корини може да се каже дека е добра вест за Бобан Николов затоа што со него македонскиот репрезентативец најчесто беше на клупата.