Добри вести за Ливерпул: Емре Чан почна да тренира!

Само пет дена пред финалето во Лигата на шампиони добри вести пристигнуваат од таботот на Ливерпул.

Играчот за врска Емре Чан се врати на тренинзите и денес го одработи целиот тренинг заедно со тимот. Германецот имаше проблеми со грбот, но најверојатно ќе се врати за најважниот меч во сезоната.

Џејмс Милнер кој го пропушти последниот меч во Премиер лигата поради повреда, исто така денес тренираше со остатокот од тимот.

„Ќе видиме што ќе се случи, но искрено пред десет дена не верував дека е може да игра во финалето. Чан изгледа во одлична кондиција и моите импресии се навистина позитивни“, изјави Клоп.