Ди Франческо ја најавува Рома во финалето: Зошто сега да застанеме?

Тренерот на Рома, Еусебио Ди Франческо најавува пласман на Рома во финалето на ЛШ.

‘Отпишаните’ играчи на Рома синоќа одиграа неверојатен натпревар, ја победија Барселона со 3:0 на Олимпико и се пласираа во полуфиналето, што за многу членови на римскиот клуб ова ќе биде прво такво возбудување.

„Нормално е дека сега трена да веруваме во финале. Зошто да не? Дојдовме толку далеку и никој од нас не очекуваше дека тоа ќе го направиме. Овој пат сакаме да го продолжиме.“ – изјави Ди Фраческо и додаде:

„Не сакам да тренирам екипа која нема амбиција. Мора повеќе да се стремиме и да сфатиме дека тоа ние го можеме, дека секогаш има простор за напредок и дека сме способни да бидеме најдобри.“

Ди Франческо со формацијата 3-4-1-2 ги шокираше сите, но на крајот се исплатеше и најголемите заслуги се препишуваат на него.

„Често ме критикувате за поразите, но еве сега имате прилика малку и да ме пофалите.“