Ди Марија: Реал се преобразува кога ќе ја слушне химната на ЛШ

Ѕвездата на Пари Сент Жермен, Анхел ди Марија влезе во одлична форма токму пред првиот меч против Реал Мадрид во Лигата на шампиони.

Ди Марија е амбициозен да се покаже против бившиот клуб и истакна дека неговиот тим е многу посилен во споредба со минатата сезона кога беше елиминиран од Барселона.

„Сега сме многу подобри отколку минатата сезона. Имаме голема цел во Лигата на шампиони и способни сме да ја реализираме. Меѓутоа, за тоа е потребна и среќа, бидејќи без среќа невозможно е да постигнеш големи нешта“, изјави Ди Марија.

„Реал Мадрид секогаш е фаворит во ЛШ. Нема врска како играат во Шпанија. Играчите на Реал штом ја слушнат химната од Лигата на шампиони, се преобразуваат. Ние исто така ќе бидеме повнимателни за тој меч“, додаде Аргентинецот.