Ди Марија: Ван Гал е најлошиот тренер кој сум го имал

Анхел ди Марија зборуваше за неговиот престој во Манчестер Јунајтед и за проблемите кои ги имал со тренерот Ван Гал.

Ди Марија во 2014 година беше рекорден трансфер на „црвените ѓаволи“ и пристигна на „Олд Трафорд“ за сума од 60 милиони фунти.

Меѓутоа, не ги оправда очекувањата и само послед една сезона беше продаден во Пари Сент Жермен.

„Мојот проблем во Јунајтед беше тренерот. Ван Гал е најлошиот тренер кој сум го имал во кариерата. На еден меч постигнав гол и запишав асистенција, а следниот ден тој ме критикуваше. Воопшто не ме сакаше уште од првиот ден, тој не сака кога играчите се поважни од него“, изјави Ди Марија.