Диего Коста се враќа во Премиер лигата, договорени личните услови

Бразилскиот напаѓач со шпански пасош Диего Коста повторно ќе го напушти мадридски Атлетико, а кариерата би требало да ја продолжи во екипата на Волвс.

Како што пренесуваат англиските медиуми, 30-годишниот напаѓач ги договорил личните услови за трансфер во редовите на Волвс и наскоро би требало да биде потврдено.

Коста се поврзуваше и со Евертон. Сепак, пред понудата на тимот од Гудисон Парк наводно одлучил да ја прифати онаа на Волвс и од следната сезона повторно би го гледале во ПЛ.

Претходната сезона овој напаѓач имаше скромен учинок од пет гола и три асистенции на 21 одигран натпревар.

Во три сезони во ПЛ како напаѓач на Челси постигна 52 лигашки погодоци и освои две титули, па секако во Волвс би биле воодушевени доколку дојде напаѓач од таков калибар.