Диего Коста: Гризман ме повика во Атлетико, сега не смее да си оди!

Напаѓачот на Атлетико Мадрид, Диего Коста испрати јасна порака до неговиот соиграч Антоан Гризман.

Диего Коста изјави дека Гризман бил човекот кој го наговорил да се врати во Мадрид и сега од него очекува да остане во Атлетико.

„Мислам ќе остане. Тој ми се јави и ми кажа да дојдам во Атлетико. Сега не може сам да ме остави. Знае оти е важен играч за Атлетико, се уште е со нас и се надевам така ќе остане. Ќе бидам пресреќен ако остане, ама секој човек треба да го направи она што семта дека е најдобро за него. Според мене најдобро ќе му биде да остане“, изјави Коста кој повторно доби повик од репрезентацијата.

Во последните денови се појавија шпекулации дека Пауло Дибала е трансфер мета на Атлетико Мадрид.

„Дибала е голем играч и Атлетико сака секогаш да се подобрува. Играчи како Дибала се добредојдени“, коментираше Диего Коста.