Де Лаурентис: Скудето? Поважно е да ја освоиме Лигата на шампионите

Наполи игра одлична сезона во Италија и само чудо треба да се случи да не го освојат Скудетото на кое чекаат од 1990 година, но целта на овој тим не е само титулата во Италија.

Вечерва во првиот осминафинален натпревар од Лигата на шампионите, Наполитанците играат против Ајнтрахт, а пред овој натпревар голем оптимизам покажа првиот човек на клубот, Аурелио Де Лаурентис.

„Игравме против тимови како Челзи и Баерн Минхен. Навистина сум воодушевен од атмосферата кога игра Наполи и мислам дека не заостануваме многу зад ривалите. Скудетото? За мене поважно е да ја освоиме Лигата на шампионите, така светот ќе добие поголема слика за Наполи“, изјави Де Лаурентис.